يوم من الايام اللى تتزاحم فيه المشاعر ، مشاعر امومتى لاولادى و مشاعر حنينى للام (الله يرحمها)، و ككل عيد ام كان الاب الحنون زوجى و الابنه البارة فيروز ، اما الصبيان اللى افتكر فيهم قال لى كل سنة و انتى طيبة ،العيال ديه إتغيرت قوى ، الفكرة مش فى الهدية و لا فى الاحتفال ، الفكرة فى تقدير الام و تعبها و تضحياتها من اجل اولادها ،
فيه ناس كتير بتقول عيد الام بدعة ، و ليكن بدعة و لكنها بدعة جميلة و فيها وفاء ، يعنى فيها ايه لو وقفنا لحظة فى يوم من السنة و نقول للام كل سنة و انتى طيبة ،و تتلم العائلة و تتجمع على حب و سعادة يا ريت كل ايامنا نتجمع و نتلم مع بعض .
اليوم ده دايما يرجع لى ذكريات كتيرة مع امى اللى انجبتنى و امى (خالتى) اللى ربتنى ، أيام؟؟؟؟
الحمد لله انى بقدر الامكان أعطيت اولادى كل اللى انا اتحرمت منه من حب و رعاية ، الحمد لله
شكرا يا زوجى الحبيب على كل حاجة ، و شكرا يا فيروز ربنا ما يحرمنى منكم
هناك تعليقان (٢):
ربنا يخليكي لنا يا ماما
انتي نعم الأم و مفيش أم في الدنيا وقفت جنب أولادها زيك
ربنا يخليكي لنا و ما يحرمناش منك أبداً و to you و مبروك
انا وانت بنشترك فى ان لينا بنت حنونه وطيبه واسمها فيروز وبالصدفه عرفت ليه ام هاجر عندها الشخصيه الجميله وتتصورى برضه فيروز علمتنى انى فى سنى ده اكتب واتواصل مع الناس مش معاياانها صدفه غريبه يارب بارك فى الفيروزتين واكتر واحده بتتواصل معايا هى فيروزتك كل سنه وانتى طيبه وفرحنه باحفادك والصبيان واللهى حنينين بس بينسوا يعبروا عن حنيتهم تحياتى
إرسال تعليق